کاروار11/اگست (ایس او نیوز)راشن کی دکانوں پر اناج اور مٹی کا تیل لینے کے لئے سائبر سنٹر سے ٹوکن حاصل کرنے کی جو شرط فوڈ اینڈ سول سپلائی ڈپارٹمنٹ کی طرف سے لگائی گئی ہے۔اس سے عوام کو بہت زیادہ تکالیف کا سامنا کرنا پڑ رہا ہے۔ سائبر سنٹر اور راشن کی دکانوں پر لمبی لمبی قطاریں لگ رہی ہیں۔ اسے دیکھتے ہوئے ڈپارٹمنٹ کی طرف سے راشن کی دکان سے ضروری اجناس حاصل کرنے کی مقررہ تاریخ میں توسیع کی گئی ہے۔ مذکورہ محکمہ کے ڈپٹی ڈائریکٹر کی طر ف سے جاری اعلان کے مطابق اب راشن کی دکان سے 25اگست کے بجائے 31اگست تک ضروری سامان خریدا جا سکے گا۔